無責任批判： 飢餓遊戲

繼續是科幻小說：（第二回）

人物：火星井底民眾、火星井底濕鳩官員、黑暗政府、馬鷹狗星鄭同學
時間：宇宙曆
地點：火星的井底

上回講到
話說火星的井底政府未經人民同意，硬推 "無恥法案"，此法案如能通過，狗官等同於有星球元首級待遇；此消息令幕後的黑暗政府極其震怒，害怕班濕鳩官員政變自立為皇繼而獨立，決定採取滅絕計劃，代號："飢餓遊戲"!

黑暗政府聽聞最近馬鷹狗星球有一位鄭同學在運輸系統中隨機殺人，手段兇殘，現正囚禁於天牢。為了令計劃實行得更完美，黑暗政府決定向馬鷹狗星球借用鄭同學。

"飢餓遊戲" 玩法好簡單，如電影《大逃殺》一樣，於宇宙曆星期二垃圾會中放出鄭同學，而井底民眾請在宇宙曆星期二圍堵垃圾會，封鎖狗官出路，協助清官逃走，使鄭同學發揮其所長...（待續）


"巡遊" 的意義
咪以為有兩萬人走出嚟就沾沾自喜，我地行到身水身汗，班柒頭皮涼住冷氣睇好戲咋。事實上只係禮拜天唔洗返工返學泡菜劇睇完飛機打晒，Line Rangers又過唔到關，呀邊個邊個都去我唔去咪好柒無嘢post上臉書，又無落雨皇馬又攞左歐聯，點都要出嚟賀一賀佢...

嗱！星期二圍垃圾會先係測試到大家有幾咁 "熱血"，返工返學唔得閒就梗㗎喇，咁咪放工放學去囉，睇少一集愛回家唔撚洗死掛；人地隔離星球爭取睇電視都十萬八萬走出嚟啦，仲絕食幾千人圍垃圾會通宵靜坐。我地E+俾班高官輪姦完，佢地無事兼有錢分，仲要俾班粉人話鳩我地幼稚屌佢滷味。

法官大人
講開又講，火星井底搞到水深火熱，D井底藝人們有無走出嚟講兩句？"巡遊" 文化中這些 "軟力量" 好緊要㗎，隔離星球幾多有"吉士"藝人走出嚟爭取應有權利，馬鷹狗星有 "雞扒妹" 我地有個 "豬扒哥" 都好啦，呀大中小肥慧敏哥太陽兄弟等等藝人走晒去邊？有心去埋會場唱首歌打打氣，唔得閒喺臉書講兩句都好...明晒，唔好得失班狗官，陣間回歸 show 無份就大檸樂，飯碗緊要D！完！

無責任批判：爆烈都市

以下是一個構思中的科幻小說：

人物：火星井底人民，火星井底濕鳩官員
時間：宇宙曆
地點：火星的井底

序
話說火星垃圾會提交《候任、現任及離任火星井底長官及主要濕鳩官員的保障制度》，建議增設相當於離職日月薪70%的每月補貼長俸予火星井底長官，九名主要火星井底官員離職時亦可獲金額相當於其離職日月薪的14%（鐵飯碗出身）或30%（非鐵飯碗出身）、再乘以自就職日至終止職務日的月數的一次性補償。除此之外，法案更有條款建議「火星井底長官在任期間享有刑事豁免權」一個一般只有星球元首、外交人員才享有的豁免權！若通過「即使貪污都無事」。

以上文字細則都可以唔睇，簡單講就係 "無恥法案"；法案當然被火星的井底民眾批離譜。並發起宇宙曆明天"大巡遊"。

沒有明天的星球
其實火星的井底人都幫唔落，人又係你地選佢入去垃圾會，養到班狗官個個肚滿腸肥，肥頭耷耳，十足膠劇西遊記的豬八戒，年年有錢派賄賂全火星人，有飲有食魔化人間又唔見出句聲。

有些火星的井底人喺臉書做晒道德判官，到時咪又係來來去去嗰班友"巡遊"，你話心唔心淡；最後藉口多多：又話要返工、嗰日不在火星、落雨唔去、太曬唔去、我對政治冷感、琴晚睇歐聯好累，最衰C朗啦......最後又喺屋企涼冷氣睇泡菜劇打飛機，之後再喺臉書做道德判官講番幾句自我感覺良好、憤世之言，最多加多張"巡遊"相，表達如何氣憤，痴撚左線人格分裂。難怪班濕鳩大炮議員笑鳩我地幼稚，完。

講到尾就算去"巡遊"都要有獨立思考能力，你可以係為自己而去，為這星球未來而去；咪俾D政黨騎劫，叫埋D白癡口號，咩"打倒XXX"......打咩鬼倒姐，文明D啦，你估仲係文革咩，現在行緊宇宙曆法啦。

唔屌唔鬆化
難怪最近咁鳩多異能人電影上畫，連美劇《24》明明完左都要整多一輯出嚟玩，這星球太需要一個 Jack Bauer 之能或超人去打鳩班濕鳩官員。

唉！唔理啦，過左明天又星期一返工返學咩都唔記得，返屋企睇孫悟空打班牛鬼蛇神妖魔鬼怪仲暢快。

P.S. 再講一次，以上只是一個構思中的科幻劇劇本序章，應該無結尾，因構思中星球已死！爆！